عرض الصورة بالكامل

بداية المرحلة الجامعيه✨-جامعة الملك فيصل-


بسم الله الرحمن الرحيم
السلام عليكم احبتي اولاً مبارك لكن قبولكن وها أنتم ستبحرون في المرحله الجامعه ✨
الحمدلله في شهر رمضان عام ٢٠١٥ قٌبلت في جامعة الملك فيصل بالاحساء كلية الاداب وكانت رغبتي الثالثه وكنت هذا مااطمح له ومن المضحك اني سمعت كلام غيري حٌشي ذهني ب( الاداب مو زينه دخلي الحقوق احسن توها جديده ولها مستقبل التربيه شهادتها غير ووو.. ) وبالطبع الاغلب جاه هذا الكلام ومن المفروض اسمع نفسي اولاً، توكلت على الله ورتبت رغباتي كالاتي : ١- حقوق ٢- تربيه ٣- الاداب ٤- ادارة اعمال مسار ادبي
طبعاً من كثر التوتر والخوف اصبح جهاز الكمبيوتر مرافق لي في نومي استيقظت من النوم تحديداً في الظهيره الساعه الواحده تقريباً فتحت الكمبيوتر بسرعه وضع اعلان الدفعه الثانيه قبلت في الاداب ! فرحت ارتحت الحمدلله ركضت بسرعه لوالدتي في المطبخ اصرخ اتصلت على والدي ابشره . الحمدلله ربي ماضيع تعبي 💜 .وتأكدوا ان قبولكم في تخصص ماكان في بالكم راح يكون خيره لكم ربي كاتب لكم الاحسن بإذن الله 💫طبعاً ثبت الرغبه بدون تفكير اني اترقى وجهزت اوراقي . جاء اليوم التعريفي للطلبة الجدد كان مفيد جداً وانصحكم تروحون عرفت كيف الانظمه وكيفية استخراج الجدول الدراسي لان اول سمستر راح يكون جاهز . قرب الوقت مرحله تجهيز وشراء الملابس الجامعيه ممتعه جداً 🙊بس لاتتحمسون تنوره قصيره اوبلايز شفافه ماتناسب الكلية افضل شي الملابس الرسميه والامن في الكليه راح يمشون وراكم ويعطون مخالفات - كوني على طبيعتك لاتصيرين اوفر مكياجك بيبي كريم وماسكرا وروج واذا مشتهيه تتكشخين مره بس ايلاينر وتصيرين بيرفكت ✨-
قبل الدراسه طبعاً فعلت رقمي الاكاديمي ووضعت رقم سري خاص بي وبعدها طلع جدولي وكانوا ٦ مواد عامه جمعيها سهله الاغلب دارسينه من قبل لكن بعض المواد موسعه اكثر
الاحد ٨-١١-١٤٣٦ بدت الدراسه ! طبعاً بما اني في السنه التحضيريه وفي اكتظاظ سكاني في الاداب درست في مبنى كلية الاداب الاعداد العام ، الساعه السابعه والنصف تبدء اول محاضره نحو تطبيقي١ وانا وصديقاتي تايهين كيف نعرف القاعه وطبعاً كل وحده جدولها غير عن الثانيه ومانتلاقى الا في البريك *ملاحظه*
عشان ماتضيعون مثلي الشعب راح تكون بالحروف ورقم القاعه مثال (0722011)راح تاخذين اخر اربع ارقام 2011 لما نتخصص تصير الشعب بالارقام *
(راح يحسب الحضور والغياب في اول اسبوع والحين صار الكتروني وراح يخصم من درجاتك تلقائياً رابع غياب انذار وتنحرمين من الماده )
اول محاضره كانت جداً لطيفه ولكن اول اسبوع مختلف تماماً عن اول اسبوع في المدرسه هنا انتي مسؤوله عن نفسك ومحد راح يقول لك يلا على محاضرتك ! لا انتي ملزومه انك تنتبهين للوقت ولجدولك طبعاً اول يوم انا وصديقاتي وزميلات في المدرسه كانوا معنا وتجمعنا بالكفتيريا واسترجعنا الايام الحلوه وجانا حنين مفاجىء للمدرسه اللي نتمنى اليوم اللي يجي ونتخرج منها💔 . ماصادقت للامانه صديقات جدد كثير اكتفيت برفيقات المدرسه وزميلة واحده كانت مغتربه ووحيده انضمت لنا💕 . ليش ماصادقت لان ماتعرفين هاذي زينه سيئه والاغلب راح تكون بس لمصلحتها راح تشوفون اشكال كثير واختاروا الصحبه الصالحه ! . بالنسبه للكتب الدكتور/ه راح ي/توريك شكل الكتاب وتشترينه و في بعض البنات يستعيرون الكتب .
اعلنوا الجامعه عن بطاقه البنك ولازم تاخذين رقم قبل بيوم كل يوم حاطين له لون وتروحين للمبنى الفلاني وقفي طابور وجاتني وحده جزاها الله خير قالت لي خذتي رقم قلت لها لا وعطتني ووقفت وعطوني البطاقه بأسمي طبعاً ورحت بنك الرياض فعلتها وكان وقتها ابوي مبسوط اكثر مني 😪😂💔.
والبطاقه الجامعيه نروح نودي صورتين لنا مع نسخه للجدول عند مبنى في الجامعه ونستلمها بعد ثلاث ايام تقريباً وضروري تسوونها بدري وتكون معاكم .
يوم الاثنين كنت مااحبه لان عندي المحاضره الاخيره من الساعه ١ الى الساعه ٣ لكم ان تتخيلوا كمية الحر و النوم والارهاق والتذمر متى ينتهي الوقت كانت القاعه خارج المباني واسمع صوت اذان العصر يالله ابقى اروح البيت ! جات الساعه ٣ البنات يقومون تلقائياً دكتوره خلص الوقت 😂🏃🏻 . وياجمال اللحظه اللي تعتذر فيها الدكتوره 😂😩 بالنسبه للدكاتره حسيت مره متساهلين معنا يمكن عشان حنا اول سنه وماصعبوا علينا كثير لكن كل وحده تختلف طريقتها بعضهم مسموح تتأخرين ٥ دقايق وبعضهم برا طبعاً كل وحده قبل ماتبدء تقول طريقتها ايش المسموح والغير مسموح لذلك اول اسبوع مهم عشان تعرفين كيف طريقتها . جات مرحلة الميدترم واللي كنا مو متعودين درجة الاختبار من ٣٠ ! اه على ايام المدرسه الاختبار من ١٠ وبسهوله نجيبها حبيت طريقة الاختبارات كثير لان موضوعي واتذكر الاجابه لو نسيتها 🤓😂 بس جاني دكتور غير القاعده وجاب مقالي زين الاختبار عدا بسلام الحمدلله وطبعاً نصيحه اذا خلصتوا محاضره لاتسكرون الكتاب وتنسون كل الشرح حضروا واسترجعوا مره ثانيه كل محاضره عشان في الاختبارات ماتتعبون في بنات ماتفتحه الا في الفاينل وتقول صعب شلون اذاكره ! تقسيم الدرجات بيكون مختلف خصوصا لو كنتي نظام عام اما طالبات نظام المقررات ماراح يصير صعب عليهم لانهم متعودين
*المشاركه ١٠ الاعمال او الحضور ١٠ الميدترم ٣٠ والفاينل ٥٠ المجموع ١٠٠ * طريقة المذاكرة تعتمد على الشخص انا كنت احدد كل الكلام اللي يقولونه الدكاتره واللي يكتبونه اكتبه فما واجهت صعوبه الحمدلله.
خلص اول سمستر مر بسرعه ماحسيت فيه ولا بتعب وجبت معدل الحمدلله كويس بالنسبه لاول مره 💕. *لازم تنتبهون للمعدل سهل ينزل وبصعوبه يرتفع واول سنه مهمه حاولوا تججيبون معدل *

جاء الوقت اللي نرتب فيه المواد والجدول والطريقه سهله في الكليه سووا لنا زي المعرض علمونا كيف الطريقه اخترت المواد العامه المقرره علي ،مااحكي لكم كمية الهلع في قروبات الواتس ( بنات مافي ماده دخلت لي بنات ابي crn حق الماده الفلانيه بنات سمعتوا عن هالدكتوره زينه ولا وو.. 😂) طبعاً انا احاول اني ماادخل عشان مااتوتر معاهم ومن قبل نكون مجهزين انا وصديقاتي جدول نفس بعض 👏🏻 ، جاء السمستر الثاني واللي هو مرحله اختيار التخصص اللي راح يكون ملازمني طول حياتي طبعاً في الاداب ٦ تخصصات و٣ فقط فيهم اختبار ورقي اللي هم * علم اجتماع - اللغه الانجليزيه - والاعلام والاتصال * كنت محتاره بين علم الاجتماع والاعلام ايش اللي يصلح لي وين الافضل ، لما قريت عن الاعلام والاتصال حسيته ممتع كثير وحبيته واغلب المواد انا احبها اخيراً بدرس شي احبه ويناسبني !
ورتبت التخصصات اعلام واتصال - جغرافيا - تاريخ الخ.. وغير مسموح لي اختبر اختبارين يعني لو مانقبلت في الاولى على طول جغرافيا ! الاسئله طبعاً راح تكون عامه وذاكرت شوي وكان في معلومات اعرفها ، طول وقت اعلان النتائج انتظرنا اسابيع وكانها شهور كل يوم تنزل دفعه والحمدلله شفت جنب التخصص الاعلام والاتصال 😭💜

وخلص السمستر الثاني بسلام 🕊 ، طبعاً متحمسه كثير ومتفائله خير لبداية المستوى الثالث 🎬 مواد القسم مو كثير فلذلك راح تكون مدة المحاضره ثلاث ساعات ⏱ . في هالاجازه اشتغلت على نفسي واكتسبت مهارات دخلت دوره لمدة اسبوع ودورات قدمتها الجامعه قسم الاعلام والاتصال منها دورة فن الالقاء واسس المونتاج 👏🏻 .الشيء المحزن صديقاتي كل وحده قسم مافي لقاء الا في البريك 😿💔 وراح نحاول نحط المواد العامه مع بعض 👭💜 . باقي الشيء الاخير لبداية السمستر تأكيد المواد ثالث عيد 🤓📝 ، وراح نروح مبنى كليه الاداب للتخصصات في السلمانيه ✨، بالتوفيق لكم والله يسهل دربكم وراح تتخطون كل الصعوبات بإذن الله💪🏻💕.

هذي تجربتي البسيطه جداً جداً شكراً لتجارب على مبادرتهم اللطيفه 💛💛.
اتمنى كثير تفيدكم وعذراً هاذي اول مره اكتب فيها فبعض الكلمات عاميه وفصحى🙊💔 .

لو كان عندكم اي استفسار بخصوص الدكاتره او شي ثاني انا ماذكرته بدون تردد تعالوا حسابي بالتويتر 💙
‏( @o_asoom ) او
Askfm : http://ask.fm/smo5
- سبحانك اللهم وبحمدك اشهد ان لاإله الا انت استغفرك واتوب اليك 💛-
أسماء الغريب ✨

عن الكـاتب :

asmayousif

لاتستسلم ، الاشياء العظيمة تستغرق وقتاً طويلاً اعلام_kfu#

  • المنطقة الشرقية
  • جامعة الملك فيصل
  • الآداب
  • الاعلام والاتصال


{{comment_msg}}

{{name_msg}}

{{submit_msg}}

التعليقات :

تجارب ذات صلة
لمستقبل اعظم!
رسالة خريجة
"الإحباط المؤقت"
القبول في التخصص
المزيد من تجارب #تجربة_عامة
الجهات الأكثر تدريباً
أرامكو 1
شركة شرق 1
قدرات 1
بترو رابغ 1
لكل الجامعيين والمقبلين عليها: اسأل نفسك اولًا!! 1
تصنيفات التجارب