عرض الصورة بالكامل

تجربتي مع القدرات +٩٠

اهلاً 

حبيت انقل لكم تجربتي مع اختبار القدرات العامة 

ولله الحمد والمنة حصلت على نسبة ٩٣٪؜ 

كنت شاطره بالرياضيات واحبه مره فعشان كذا كنت مرره متحمسه لمذاكرته وباقولكم معلومة اللي يمتلك ذكاء منطقي ممكن ان يحقق درجات عالية في الجزء الكمي في اختبار القدرات  

بديت بالمذاكرة قبل اختباري تقريبا بشهر (مع انه احس تبدأ قبله بشرين تكفي وبالراحة بعد ) 

قبل ما اقولكم من ايش ذاكرت اول شي لازم نعرف انه من جزأين 

كمي:- وتجي الاسئلة على هذي الافكار ( النسبة المئوية ، الكسور ، الاعداد الصحيحة ، التناسب ، الاحصاء والاحتمالات ، المثلثات ، الهندسة ، حل المعادلات ، الجذور ، القوى ) 

لفظي:- وهذي طريقة الاسئلة ( النص المقروء ، الخطأ السياقي، التناظر اللفظي ، اكمال الجمل ، المفردة الشاذة )

اول شي لازم (التأسيس) وانصحك بقناة فهد التميمي باليوتيوب وكمان عارض استراتيجيات لحل مسألة ابسط مره بتفيدك 

وثاني شي لازم (التدريب ) وهذا اهم شي اذا ما تدربت كثير ما راح تستفيد شي ، تدرب على اسئلة الاعوام السابقة مو حفظ لازم فهم وتكون مغطي على جميع الافكار وتكون ضامن تحل اي سؤال يواجهك وبعدها حلو لو انك تجرب تختبر اختبارات تجريبية تشوف مستواك  ، وحلو انك تخلي اختبارك اخر يوم بالفترة عشان تتطّلع على اسئلة اللي قبلك وممكن تتكرر لك مع ان احتمالية تكرار الاسئلة قليل 

مصادري للمذاكرة :- 

قناة فهد التميمي 

منصة نون التعليمية 

حساب دليلك للقدرات و التحصيلي بتويتر 

حساب التهيئة للتحصيلي والقدرات بتويتر 

@nino_qudrat بالانستقرام 

هالحسابات كنز والله 😍😍💛💛

 

ونصيحة خطط لان تكون سنة ثاني للقدرات وثالث للتحصيلي افضل والله 

كانت خطتي كذا لكن قلت دامني جبت ٩٣ من اول مره اقدر ارفعها فاختبرت الترم الاول بثالث وجبت ولله الحمد ٩٥ 💗💗

 

واخيرا القدرات ابداً مو رعب هو شي يخليك تدرك انك تقدر وفشل زملائك لا يعني فشلك ولا تقارن نفسك الا بما كنت عليه سابقاً 

وخليكم متفائلين بربكم ان ما راح يضيع لكم تعب و مؤمنين بقدراتكم ومتفائلين وبالتوفيق💗💗💗.

عن الكـاتب :

i
iiran15


{{comment_msg}}

{{name_msg}}

{{submit_msg}}

تجارب ذات صلة
أنا والقدرات.
القدرات
تجارب شخصية في تعلم الإنجليزية (موضوع مميز جدا)
تجربتي مع القدرات +٩٠
المزيد من تجارب #قدرات
الجهات الأكثر تدريباً
أرامكو 1
شركة شرق 1
قدرات 1
بترو رابغ 1
لكل الجامعيين والمقبلين عليها: اسأل نفسك اولًا!! 1
تصنيفات التجارب