عرض الصورة بالكامل

مشوار وتجربة الحصول على ٩٧ في التحصيلي + توصيات

السلام عليكم ورحمة الله .. طاب وقتكم دائماً اياً كان :) 

بهذي التجربة بحاول اقول كل كلام أحس انه راح يخدم وينفع اي شخص لسى مابعد دخل الاختبار ، ومو شرط كل حرف اقوله اكون سويته ، بس راح اذكر تجربتي كاملة ، ومو شرط حتى اللي يستفيد منها يطبقها تماماً خذ من التجارب الشيء اللي تعتقد انه يتناسب معك واقتنعت فيه .. 

اولاً وقبل كل شيء الاختبار التحصيلي اختبار " مقدور عليه " ومئات الطلاب يجيبون فيه درجات عالية +٩٠ و +٩٥ .. بس يحتاج جهد واستعداد طبعاً لكن ابداً مو تعيجزي والله 

• تجربتي الشخصية • 

اعتقد اني شخص خلال المرحلة الثانوية درس ( الاحياء والكيمياء ) بشكل ممتاز وعند مدرسين ممتازين بس الفيزياء بشكل سيء جداً والرياضيات متوسط ، وترى هالشيء يفرق كثير وهو اللي يحدد قد ايش تحتاج تتعب بالاستعداد .. 

انا مافتحت ولا ذاكرت أي شيء الا بعد بداية الفصل الثاني  بثلاثة اسابيع تقريباً ( كان باقي على الاختبار الاول اعتقد شهرين ونص ) 

كانت خطتي الشخصية واللي نفذتها تقريباً بنسبة ٨٠٪‏ ، اني اذاكر تجميعات من ٣٤ وحتى ٣٧ وحتى تجميعات نفس دفعتي في الايام السابقة لاختباري + اذاكر كتاب العبدالكريم كل المواد وكنت اخذت معلمين خصوصيين لكل مادة ( رياضيات وفيزياء وكيمياء ) وكنت امشي معاهم بحصص وادرس الكتاب بعد حصصهم واذاكر من كتاب العبدالكريم كأني اذاكر للمدرسة ، احفظ التعريفات واحفظ القوانين واتدرب على كل شيء ، مرررررره مهم ومفيد كتاب العبدالكريم والله بطل وبطل جداً بالاختبار احل اسئلة واتذكر الاجوبة من الكتاب نفسه ، وكانت الخطه اني اذاكر الكتاب كامل كأنه كتاب منهج بس كان تقصيري بمادة الاحياء ( ما امداني اذاكرها من كتاب العبدالكريم بسبب ضيق الوقت ، ذاكرت من الاحياء بس ٧ صفحات وبعدين صار باقي على الاختبار اسبوعين اعتقد وخلاص بديت بالتجميعات ) 

جدولي اليوم تقريباً كنت ارجع من المدرسة انام الظهر والعصر والمغرب وبعد العشاء ابدأ المذاكرة حتى الفجر ( مو شرط الليل كامل مايضيع منه ولا شيء بس عموماً غالبية الليل اذاكر فيه ، وكنت اذاكر بالمدرسة حتى واستغل اوقات الفراغ ونصيحة نصيحة اللي حاط بباله درجة عالية لا يبدأ متأخر ، انا بديت قبل بشهرين ونص بس انضغطت وكنت ادرس ساعات كثيييييرة باليوم فشوف نفسك وكيف تحملك وابد بدري خل معاك مدة اطول ) 

وأكثر شيء ممكن يفيدك وبدون منازع هو التجميعات ( افهمها ولا تحفظ الاجوبة بس ، وذاكرها بإخلاص ، لان فيه ناس تذاكر تجميعات وماتستفيد كثير لان مذاكرتها لها مجرد قراءة! ) والاهم بعد التجميعات كتاب العبدالكريم ، وبالتوفيق للجميع يارب وان شاء الله فيها شيء مفيد التجربة 

• التوصيات • 

١- لا تكون دراستك عشوائية ، شوف المواد الاضعف فيها وكثف جهدك.

٢- مو شرط مدرسين خصوصيين للمواد بصراحة لان كل شيء مشروح باليوتيوب والكتاب ينفهم منه شيء كثير بس شخصياً كنت خايف وحريص مره واخذت معلمين .. 

٣- لا تتأخر في البداية ، لان بعدين والله العظيم اليوم الواحد راح يفرق معاك وتحتار تخلص فيه ايش ؟ 

٤- خلك مخلص مع نفسك بالمذاكرة وركز على كل معلومة انك تفهمها وتعرف تحل عليها فعلاً 

٥- التجميعات ثم التجميعات ثم التجميعات ثم كتاب العبدالكريم 

٦- فيه شيء كنت ناوي اسويه وما اسعفني الوقت ، لكني استفدت منه كم مره ( الاختبار المقنن، اللي بنهاية كل فصل من المواد العلمية) ترى شيء مو صاحي ابداً يتكرر منه كثير واصعب اسئلة التحصيلي تجي منه

٧- اكثر شيء يساعدك في التحصيلي هو فهمك اساساً للمواد ايام الدراسة وفي المدرسة ترى ، الاختبار على المناهج فعلياً لما تستوعب كيمياء ثاني ثانوي مثلاً ، قبل التحصيلي مجرد تسترجعه وتعيد عليه بدون تعب كثير وتكون اتقنته ، فنصيحة نصيحة استعد للتحصيلي ( بأنك تدرس المواد العلمية والمناهج بذمة وضمير من جد ايام الدراسة ، سواء انت بأولى ثانوي او ثاني او ثالث ابدا مع نفسك وحاول تتقن الدروس اللي تاخذها عشان بعدين ماتكون جديدة عليك ) 

والله يوفق الجميع يارب دائماً 🌹

 

وهذا حسابي بتويتر @Husamsol

لأي شخص حاب يسأل عن شيء متعلق بالاختبار ( حتى لو سؤال تبع المواد يمكن اعرف اجابته :p) 

 

عن الكـاتب :

H
Husam

سنة تحضيرية في جامعة القصيم

  • east
  • other
  • مسار صحي


{{comment_msg}}

{{name_msg}}

{{submit_msg}}

تجارب ذات صلة
تجربتي مع الإختبار التحصيلي وطريقة الإستعداد له (عام 2015)
رحلتي مع التحصيلي من 83 الى 97
هزيمة قياس.
مشوار وتجربة الحصول على ٩٧ في التحصيلي + توصيات
المزيد من تجارب #تحصيلي
الجهات الأكثر تدريباً
أرامكو 1
شركة شرق 1
قدرات 1
بترو رابغ 1
لكل الجامعيين والمقبلين عليها: اسأل نفسك اولًا!! 1
تصنيفات التجارب