عرض الصورة بالكامل

رحلتي مع التحصيلي من 83 الى 97

السلام عليكم ورحمة الله وبركاته 

حبيت اليوم انقل لككم تجربتي مع التحصيلي وهي بالاصح ماتعتبر تجربة تعتبر قتال مع التحصيلي ..

بالبداية احب اقولكم ان الاختبار جدا سهل اذا كنت فاهم ايش فكرته واايش الاختبار مركز عليه طبعا بمااني علمي فركز على 4 مواد اللي هي \

احياء (الحاصل على الكمية الاكبر بالاختبار)

كيمياء (الحاصل على المركز الثاني من حيث الكمية)

فيزياء (المركز الثالث)

رياضيات

وتختلف كميات كل منهج على حسب النموذج لكن انا بالفرصتين كان هذي الترتيب .

نبدا من الفرصه الاولى ذاكرت قبلها شهر ونص من كتاب سلسلة العبدالكريم يوميا كنت اخلص مايقارب 20 صفحة كان طموحي +89 لان نسبتي بالقدرات جدا سيئه حتى انتهى الشهر ونص وجاء موعد الاختبار القلق والخوف اللي كنت في كان كبيرر بس كنت اهدي نفسي عشان مايأثر بااجاباتي وحليت وطلعت مبسوووطه بكل صراحه قلت بس +89 لكن الصدمة ان نسبتي 83 انخذلت لكن عرفت ايش كان ناقص مذاكرتي كان ناقصها التجميعات واللي هي الوسيلة للوصول الى النسبه المطلوبه من بعد الفهم جاء فرصة الاختبار الثاني وذاكرت قبل بااسبوع جمييع التجميعات فترة اولى وثانيه ل37 و36 وفترة 38 الاولى(فهم فقط ماحفظت الا احياء ) وجاء موعد الاختبار كنت اقل قلق أمنت ان نسبتي بيد الله سبحانه وانها مكتوبة قبل ادخل الاختبار طبعا قبل ادخل كنت شايفه انطباع الناس عن الاختبار انه ماجاء من التجميعات وصعب ..الخ انا ماضاق صدري ابدا دخلت وانا ادعي يجيني اسهل نموذج ومعتمده على شرح معلماتي وذاكرتي ثم التجميعات عشان اعرف احل ولااتوتر دخلت الاختبار كان جايني اشياء غريبه عكس الاختبار الاول اللي كانوا يقولون انه كله من التجميعات لكن ولله الحمد عرفت احلها بفضل من الله واعتمادي التااامم على تعليم الدراسة وهنا النقطه المهمه ..

التحصيلي لايعتمد فقط على التجميعات يعتمد ايضا على اسمه المحصله من المعلومات الموجوده بمخك فنصيحة نصيحة نصيحة منهج ثالث كله افهموه ترم اول وترم ثاني كلهمم مهميين افهموه بالمدرسه مو قبل الاختبار بشهر لان مو من صالحك تفتح منهج من الكتب الدراسيه لانها تحوس وعشان اوضح نقطة طلعت من الاختبار واغلاطي 15 غلط تقريبا لكن لان التصحيح يعتمد على الانحراف المعياري فعدد الاغلاط تجاهلووهاا كنت قلقه جدا بفترة انتظار النتائج غلطانه 15 غلط كيف بجيب 89+ لان كان فيه شائعات اللي عندها 15 غلط تجيب 87 كانو يحسبون الغلط بالدرجة كانه تصحيح مدرسة لكن هذا غلط كبييرلانه يعتمد على الانحراف المعياري لكن ولله الحمد من الدعاء وحلي لبعض الاسئلة الخارجه من التجميعات اللي الاغلب ماحلها رفعني.

الخلاصة المهمه :

- كتاب العبدالكريم نفعني بنسبة 15% والتجميعات 45% وذاكرتي ودراستي بالمدرسة بحكم انها حكومية وشديدة 40%

يعني الكتاب حاولو تخلونه تصفح واسترجاع لاتضيعون وقتكم عليه .

- الكيمياء ركزو كثير على الكيمياء العضوية ومنهج ثالث 

- احياء لاتتعدون التجميعات ماطلعت منه 

- فيزياء لاترتبكون اذا جاكم سؤال وماعرفتوا القانون سووا اي طريقة اقسموا اضربوا اطرحوا لما يطلع الناتج ضمن الخيارات

- اقروا السؤال اكثر من مره وخلكم هاديين يبقى وقت بعد ماتحلون كثيرر غير تماما عن القدرات

- توكل على الله بجميع امورك من بداية المذاكرة حتى وقت النتائج 

وبس هذي تجربتي البسيطه مع التحصيلي اتمنى اني ماطولت عليكم كثير ونفعتكم ولو بشي بسيط وتذكر دائما YOU CAN DO IT

 

 

عن الكـاتب :

W
Wajd


{{comment_msg}}

{{name_msg}}

{{submit_msg}}

تجارب ذات صلة
تجربتي مع الإختبار التحصيلي وطريقة الإستعداد له (عام 2015)
رحلتي مع التحصيلي من 83 الى 97
هزيمة قياس.
مشوار وتجربة الحصول على ٩٧ في التحصيلي + توصيات
المزيد من تجارب #تحصيلي
الجهات الأكثر تدريباً
أرامكو 1
شركة شرق 1
قدرات 1
بترو رابغ 1
لكل الجامعيين والمقبلين عليها: اسأل نفسك اولًا!! 1
تصنيفات التجارب