عرض الصورة بالكامل

كل مايتعلق ماده اللغه الانجليزي بجامعه الملك

السلام عليكم ورحمه الله وبركاته:

بتكلم عن ماده الانجليزي الي الكل محيوس فيها :
‪اول شي الانجليزي له ثلاث مستويات وعلى حسب حلك لاختبار تحديد المستوى تكون باللفل المناسب لك وبتعرف انت بأي مستوى وقت نزول الجدول.‬

‏‪A:ضعيف‬
‏‪B:متوسط‬
‏‪C:مرتفع‬
‏‪A:اربع ساعات يومياً بينهم بريك ‬
‏‪B:ثلاث ساعات يومياً وبينهم بريك‬
‏‪C:ساعتين لمده اربع ايام ويوم يكون اوف + الترم الثاني ساعتين يومياً وبدون اوف ‬

‪نجي نتكلم عن طبيعه الدراسه:‬
‪الدراسه سهله وبسيطه لكل المستويات ‬
‪واختبار الميد والفاينل موحد يجي من مستوى أي يعني لو كنت بمستوى سي الاختبار بييجك بسيط.‬
‪قبل الميد والفاينل يعطونكم ملف يحتوي على القواعد الي معكم بالاختبار + المفردات ولازم تحفظونها معنى وشكلاً + اما الاستماع والقراءة والرايتنق والسبكينق هذي يبي لها تدريب فقط. ‬
‪نجي للميد : الميد الاختبار بيكون مقسم اربع اقسام مشابه لاختبار تحديد المستوى بالضبط نفس طريقه الاختبار اختياري ويحتوي على قسم قواعد وقسم مفردات وقسم استماع وقسم قراءة ‬
‪وكل سؤال عليه نص درجه. ‬
‪اما الفاينل بيكون له اسبوع كامل : يوم بيكون اختبار السبيكنق ويوم الرايتنق ويوم الكميوتر يعني باقي الاقسام زي الميد .‬
‪السبكينق : بيدربونكم عليه وكل ترم يختلف الترم الاول : تكونين انتي وطالبه وحده معها الاسأله والثانيه الاجوبه وتسألون بعض والتيتشر تقيم وتسأل كل وحده كم سؤال عام بس طبعاً السؤال الس بالورقه معك يكون ناقص وانتي تكملينه وبعدين تتبادلون والي كان معها الاسأله تاخذ الاجوبه الخ..‬
‪الرايتنق : يعطونك ورقه ويقولون لكم اكتبي مثلاً عن الحياة الجامعيه ويعطونك تحتها ثلاث اسأله زي:‬
‪١_ ايش تسوين كل يوم الصباح بالجامعه‬
‪٢_كم عندك محاضره باليوم ‬
‪٣_ايش استفدتي من الجامعه ‬
‪ولازم تجاوبين عليها كلها عشان ماتنقصين ‬
‪ويعطونك كم كلمه تكتبين وهنا عدد الكلمات يختلف من لفل للفل يعني مثلاً الاي ٦٠ كلمه والبي ٨٠ والسي ١٠٠ طبعاً مو اكيد هذا التقسيم ويمكن يوحدونها ما ندري. ‬
التيتشرز أجنبيات و أغلبهم لطيفات بيساعدونكم كثييير ان شاء الله لاتيشلون هم ان شاء الله .
توزيع الدرجات 30 ميد تيرم و 30 فاينل و 20 مشروعين و 10 اختبار رايتنق و 10 اختبار سبيكنق

‪خلصنا الاختبارات نجي للمشروع‬

مشروع مستمر خمس اسابيع تكتبون عن موضوع معين يعطونكم اياه والاسبوع الاخير تسوون برزنتيشن وتعرضونه قدام بنات كلااسكم ,
العرض الي تقدمينه مدته يختلف من لفل للفل يعني لفل اي دقيقتين وبي ثلاث دقايق وسي اربع دقايق.
الموضوع سهل والجميع اخذ درجات كاملة الحمدلله

المشروع الثاني 10 درجات كتابه تكتبين عن موضوع معين يعطونكم اياه لمدة أربع اسابيع كل اسبوع تصحح لك الاخطاء وخلاص اخر اسبوع تسلمينه جاهز ودرجات كاملة ان شاء الله .وكمان عدد الكلمات تختلف من لفل للفل.
الدراسه للماده جداً ممتع ولا تملون ابداً يعني الكلاسات اغلبها العاب وتشتغلين قروبات او مع صاحبتك وكل ماحاولتي تتكلمين مع التيتشرز بتتعلمين اسرع.

تكلمت عن الانقلش بالتفصيل تقريبا لانه يوميا راح تدروسنه كل الترمين وهو الأهم بالمعدل .

 

 

عن الكـاتب :

Abrar

‏كلكم فيكم حب العطاء لكن فقط ثقوا بأنفسكم وجربوا ، كثير للأسف اسمع ..ليش أتطوع ! حس بالشعور الا تتركه بعد التطوع

  • الرجاء اختيار المنطقة
  • جامعه الملك سعود-الرياض
  • العلوم
  • احياء دقيقه


{{comment_msg}}

{{name_msg}}

{{submit_msg}}

التعليقات :

تجارب ذات صلة
السنة التحضيرية لكلية الطب والجراحة بجامعة الملك فيصل
تحضريتي بالمسار الانتقالي
كل مايتعلق ماده اللغه الانجليزي بجامعه الملك
مابعد الصبر الا الفرج
المزيد من تجارب #سنة_تحضيرية
الجهات الأكثر تدريباً
أرامكو 1
شركة شرق 1
قدرات 1
بترو رابغ 1
لكل الجامعيين والمقبلين عليها: اسأل نفسك اولًا!! 1
تصنيفات التجارب